Plantun de Prouvènço

Pèr coumpara dos planto d'encò nostre

Laphangium luteoalbum & Stellaria nemorum

Laphangium luteoalbum

Asteraceae Compositae

Nom en français : Cotonnière blanc jaunâtre.

Descripcioun :
Aquesto coutounado trachis dins li relarg sablous proche de mar o de ribiero. Ei pulèu grando, li fueio soun proun bourrihudo ço que douno à la planto uno coulour blanco. Li flour, coumpausado, soun jauno en dedins e blanco deforo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Laphangium
Famiho : Asteraceae
Famiho classico : Compositae
Tribu : Gnaphalieae

Coulour de la flour : Blanco Jauno
Petalo : >6
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Mar - Ribiero - Champ - Sablo
Estànci : Termoumediterran à Coulinen
Couroulougi : Pancaro entresigna
Ref. sc. : Laphangium luteoalbum (L.) Tzvelev, 1993 (= Pseudognaphalium luteoalbum (L.) Hilliard & Burtt, 1983 )

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.